Día 0. Forcarei
Escaleiras enriba, de camiño ao norte e preto do mar, agárdanos a Bretaña.
Neste blogue iremos marcando o pulso da nosa andaina, día a día, nun dos festivais celtas máis coñecidos e importantes do mundo: o Festival Intercéltico de Lorient.
As nosas gaitas, tambores e pandeiretas han sonar ben forte aló arriba. Para sentilas máis preto, seguide o ritmo do bombo que tocará unha vez por día nestas páxinas: esta será a partitura que empregaremos para contarvos e cantarvos como vai todo polas terras de Lorient.
